انا وحماتى وخطيبتى..هههههههه

[moony]

السلام عليكم ورحمة الله وبركاته


استطاع العالم م.ر ان يكتشف جهاز لقراءه الافكار
وعند تجربته سجل الجهاز الافكار المكتوبه باللون الاحمر
لشخص وخطيبته
وحماته ويبدو ان الجوازه دي كانت غصب علي الجميع

ذهب في زياره لخطيبته وعندما بدأ الحوار مع خطيبته :
بحبك
(يا بااااااي)

وانا كمان
(داهيه تاخدك)

من اخر مره وانا بافكر فيكي
(يارب تغوري من وشي)

يا حبيبي وانا كمان ما بطلتش تفكير فيك
(الهي اصبح الصبح الاقيك متنيل يعيد عني)

امال فين حماتي مش شايفها يعني
(الحربايه الكبيره)

موجوده اندهها لك
(علشان تسم بدنك)

اه طبعا يا حبيبتي وانا اقدر استغني
(يارب تتكعبل في السجاده وهي جايه)

ماما تعالي كلمي
(علي الله تقولك حاجه ترفع لك الضغط)

اهلا يا حماتي ازيك
(الهي ما تكوني بخير)

اهلا يا خطيب بنتي
(بلا نيله)

عندي ليكو خبر حلو انا لقيت شقه
(الهي ما توعوا انتي وبنتك تشوفوها)

الف مبروك يا حبيبي
(ياما جاب الغراب لامه)

حنروح نشوفها بكره ايه رايك يا حبيبتي
(علي الله تتكعوري عالسلم وانتي طالعه)

وماله طبعا لازم نشوفها
(اكيد قد الحق وفي منطقه معفنه)

علي فكره يا حماتي
(جتك حمه)

ايه يا خطيب بنتي
(خطيب الشوم والندامه)

انا كنت عاوز اقابل عمي علشان كتب الكتاب
(عمي قال عمي قال ده انتي اللي عمي)

وماله يابني بس مش لسه بدري
(جتك نيله مستعجل علي ايه)

ما هو خلاص يا حماتي احنا قربنا
(يا ريت ترفض علشان افركش ام الجوازه دي)

طيب يابني لما يجي عمك حاقوله
(جتك نيله علشان نستريح من زيارتك الغلسه)

طيب يا حماتي انا حامشي دلوقتي
(افففففف انا اتخنقت من الوليه دي)

ماهو لسه بدري
(في ستين داهيه)

باي يا حبيبتي
(حبك برص)

مع السلامه يا حبيبي
(البلد اللي تودي)

كلميني في التليفون
(يا رب يقطعوا الحراره)

اكيد يا حبيبي
(غور بقي)

وهكذا ايها الاحباب قدمنا لكم نموذج لأتنين مخطوبين
خدة بالكم بقى ومش تنسى تشتروا الجهاز وربنا معاكم
هههههههههههه

[SiR.lOkA]

حاجة حلوة اوى اوى اوى اوى

انا هعمل كدة انا كمان

دى حاجة ما فيش مفر منها
هههههههههههههههههههههههه

هههههههههههههههههههههههههههههه

بجد موضوع لذيذ جدا والله

وتقبلى مرورى واستمرى بقى يا مونى

وتـــــــــــــــــــــــــــــــحــــــــــــــــ ـــــيـــــــــــــــــــــــاتـــــــــــــــــــ ـى

:-P:-P:-P:-Pm.r.ahmed totti :-P:-P:-P:-P

:D:D:Dvodafon :D:D:D

:)):)):)):))mazika phon :)):)):)):))

[aboud2010]

هههههههههههههههه

جميل جدا الموضوع

شكرا ليكى مونى على الموضوع

[سمر]

ههههههههههه موضوع جميل والله

[*The King*]

=))=))=))

دا مغصوبين على بعض اوووووووى

[moony]

ميرسي على مروركم

تسلموو يا احلى شباب
:love::love:
ايوة الظاهر وخدين بعض تخليص حق يا كينج
ميرسي على مرورك يا احلى كينج
:love::love:

[akmal]

هههههههههههههههههههه
حلوة منك اوى يا مونى
موضوع جامد يخرب عقلك يا مونى

[moony]

ميرسي يا اكمل ربنا يخليك
بس موضوعي يجي ايه جمب موضوعااتك الجناان
تسلم يا جميل على مرورك

[akmal]

ميرسي يا اكمل ربنا يخليك
بس موضوعي يجي ايه جمب موضوعااتك الجناان
تسلم يا جميل على مرورك



طبعا متجيش جمب مواضيعى حاجه
وهى دى عايزة كلام يعنى:">:)>-:">

[SiR.lOkA]

هههههههههههههههههههههههه

عادى بقى يا كامل
هههههههههههههههههههههههههههه

دى مونى بردو موضعها جميلة ولذيذة يا راجل

وتسلم ايدك يا مونى على الموضوع الجميل والمميز فى الضحك دى

وتحياتى

احمد جيوشى

[moony]

ميرسي ليك يا احمد

ربنا يخليك

تسلم ايدك

تقبل تحيااتي

[nihad]

هههههههههههههههههههههههه

[رانيا]

:))بجد بجد:))
:))موضوع يجنن:))
:))وحلو كتيررررررررررر:))

[ندى القلوب]

هههههههههههههههههههههههههههههه
يا نهارى يا مونى دى جوازه وخناقه
هههههههههههههههههه
جميل اوى الموضوع دا يا مونى
تسلم ايدك

[moony]

ميرسي ليكم على المرور دة يا احلى بنانيت

تسلموا ايدكم على الرد اللي بجد يجنن دة

تقبلوا تحياااتي

[بسمــة]

=))=))=))=))=))=))

الله انا هعمل كدة مع خطيبى
وهجبله انا الجهاز علشان يعرف ويطفش

موضوع جميل اوى يامونى تسلم ايدك

[moony]

خلاص مااشي يا بوسبوس والجهاز دة

هدية من اختك الشهيدة

امنية :love: شفتي بحبك قد ايه ؟؟

هههههههههههههههههه

ميرسي على مرورك

تقبلي تحيااتي

[طماطمايه هانم]

لالالالالا مفيش احلي من الصررراحه

[moony]

هو ما فيش بس يا ترة فين بقى الصراحة دي

ويااترة اذا متوفرة فيكي ها تكون متوفرة في غيرك

تقبلي تحياااتي