المساعد الشخصي الرقمي

مشاهدة النسخة كاملة : يا حبيبنا يا مدلع

عمرو شاهين
04-01-2009, 08:30 PM
ياجماعه بجد مش هزار انا معرض للاعتقال ربنا يستر
بس ابقوا افتكرونى بالخير
اليكم فقط دون الغير
يا حبيبنا يا مدلع
فن يا فنان تفنينه
ولا انتا اساسا زينه
او تحفه فى البترينه
ماتحكى ع اللى بالينا
دى بلدنا ومش فى ايدينا
والهم يا خلق مالينا
وجنابه قافلها علينا
لا تقول عنتر ولا زينه
حاسس انى فى بنزينه
وفاضلى سيجاره واولع
يا حبيبنا يا مدلع
.....................
يا حبيبنا يا سيد الناس
الذل قتلنا خلاص
ومزعل كل الناس
بالهيصه والحراس
والشعب خلاص محتاس
واقف بلبوص بلباس
وصاحبنا عليهم داس
لابس فى اليد مداس
150ده مقاس
من الهدمه قربت اطلع
يا حبيبنا يا مدلع
......................
يا حبيبنا يا عم الكل
العلما بيبيعوا فل
فى بلدنا معنى الذل
والظلم علينا يطل
وسياستك خنقه الكل
وكلابك مش بتكل
والعيشه بطعم الخل
اشجينا يالا ولعلع
يا حبيبنا يا مدلع
......................
يا حبيبنا يا بطل السلم
ظلمك نسانى الحلم
والموت عنوان الفيلم
مع انه سعادتك علم
مش قادر انطق بم
ولا قادر برضك اخلع
يا حبيبنا يا مدلع
........................
يا حبيبنا يا عنتر جبنه
ياناهبنا ومقلبنا
يا كفينا ومكركبنا
يا حاكمنا لا يا راكبنا
ولاونكل عز سايبنا
يهشتك قال ويدلع
يا حبيبنا يا مدلع
....................
يا حبيبنا يا ابو جمال
شايلين الهم جبال
واقف مربوط بحبال
وبلدنا حالها ده مال
نفسى فى حلم خيال
واصحى وحكمك زال
ماتفكك بقى وتقلع
يا حبيبنا يا مدلع
***بيسو افندى***
04-01-2009, 08:35 PM
عليا النعمه من نعمة ربى انت معلم

ايه يا ابنى الجمال ده

لا لا لا

بجد بجد بجد

القصيدة اكثر من راااائعه وانحنى لك تقديرا

زيدنا يا باشا


دمت بنور الرحمن


بيسووو افندى
عمرو شاهين
04-01-2009, 08:39 PM
يا باشا يا كبير يا كنج يا حاجات كتيير
ان مبسوط اوى انها عجبتك كده
بس بجد ربنا يستر
ومدام سعادتك امرت اليكم الثانيه
ومعاك لاخر الخط
عمرو شاهين
04-01-2009, 08:59 PM
ربنا يستر عليا
aboud2010
05-01-2009, 02:35 AM
ربنا يستر عليك يا عمرو بجد

عموما متقلقش احنا كلنا وراك

لا بجد كلمات جامدة جدا اشكرك عليها
فخورة بإسلامى
05-01-2009, 05:49 AM
جامدة قوى دى ياعمرو وتخطيت كل الحدود الحمراء فيها

مش كدة ياابنى خاف على نفسك بقه

الكلام ده جد مش هزار
هيما الشاعر
07-05-2009, 01:26 PM
عمرو شاهين يامدلع
ومخلى عزولنا يولع

الله عليك ياعمرو يافنان
عمرو شاهين
07-05-2009, 06:13 PM
الله عليك انتا يا هيما وعلى متابعتك الجميله الغاليه
دمت بكل خير يا باشا
akmal
07-05-2009, 07:19 PM
الله عليك وعلى قصيدك يا عمرو

بجد مفيش احلى ولا اروع من كدة

تقبل مرورى
عمرو شاهين
07-05-2009, 07:31 PM
والله انتا الى ردودك رائعه يا اكمل
شاكر على التعليق
دمت بكل خير