المساعد الشخصي الرقمي

مشاهدة النسخة كاملة : ^^كل آآه وليها معنــى!!^^

***بيسو افندى***
03-03-2009, 04:32 PM
الاوله آآه .... والتانية آآه ..... والتالته آآه



الاوله آآه .... والعين بتبكى ما بتخبيش

والتانيه آآه .... والقلب واقف ما بيمشيش

والتالته آآه ..... والحر عمره ما يوطيش




الاوله آآه ..... والتانيه آآه ...... والتالته آآه




منديل يا منديل

يا ورق مليان مواويل

يا ماسح دموع العين

السايله على الخدين

يا روقه على ورقه

فيها الرحمه والشفقه

قسّم وغنّى وقول

يا ابو النغم موصول

واملا المكان فرحة

وزيح الحزن الطويل

الاوله آآه ..... والتانيه آآه ...... والتالته آآه



قلبى متشقلب حاله

ايه اللى مغير احواله

ومسأسأ صبره على جرحه

ومنغص حزنه على فرحه

طب امتى يكمل مشواره

ويبص لنفسه ولكاره

يحلم ويعيش على قده

ويشوف مين بيهده

وكفاية عليه الاحزان

وكفاية عليه ما جراله

الاوله آآه ..... والتانيه آآه ....... والتالته آآه



طيرى يا طيور الفرحه

اكمنك حلوة ومش جارحه

الكل بيعشق مراسيلك

يتمنى يطولك ويجيلك

اكمنك رمز الحرية

وحياتك مفهاش مطاطية

وجناحك مفرود ع الاخر

يتحدى العالم ويعافر

وعيونك علطول مفتوحه

تتأمل فى الدنيا

وســــــــــــــــــــارحـــــه

والاوله آآه ...... والتانيه آآه ...... والتالته آآه









بيسو افندى
عمرو شاهين
03-03-2009, 09:42 PM
ياباشا يا كبير يا كنج يا حاجات كتيييير
بجد ممتع وبجد اشتقت اليك
نيجى للقصيده
احيانا يكتب القلم ابداع
واحيانا يكتب القلم اصوات الملائكه
واحيانا يكتب القم نبضات القلب
ولكن قلمك اعتاد ان يكت ما بداخل القلب من اسى وامل
قصيده ممتعه ومبدعه كالعاده
دمت بكل خير
( ملحوظه على الهامش اذا اضيف حرف الواو فى البيت اللى بيقول اكمنك حلوه مش جارحه ويبقى اكمنك حلوه ومش جارحه من وجهه نظرى هتظبط موسيقى البيت اكتر وهتعمق المعنى اكتر وده مجرد رأى وليس تدخل وانتا اكيد فاهمنى )
دمت بكل خير
***بيسو افندى***
03-03-2009, 09:47 PM
عمرو باشا

والله انت فعلا بتجيب من الاخر ويمكن الملحوظة اللى انت قلتها

انا كنتت متردد اثناء كتابة القصيدة

اكتب حرف الواو والا لالالالالا بس بعد ما انت قلت

يبقى فعلا لازم ازودها

وربنا يكرمك بالكلام اللى انت قلته يا بيرم المنتدى


دمت بنور الرحمن


بيسوو افندى
عمرو شاهين
03-03-2009, 09:53 PM
كتير عليا الكلام ده وشكرا على زوقك
وبعدين بيرم التونسى استاذ العاميه وشعر الشارع المصرى
نفسى اعمله موسوعه وحاليا انا بجمعاها
بس ده سر بينا
***بيسو افندى***
03-03-2009, 09:57 PM
ان شاء الله ربنا يوفقك يا عمرو

ومستنيين يا باشا

دمت بنور الرحمن

بيسوو افندى
salma
20-03-2009, 04:11 PM
الاولى ااااه والتانيه اااه والثالثه اااه

الاولى اااه على القلب اللى بيموت من كتر الجراح والقساوه
والتانيه اااة على الغدر اللى مالى الدنيا والعداوه
والتالته اااة على الانسان اللى بيحب بغباوه

وعجبى عليكى يا دنيا ياللى بتخدى اعز الناس ولا ليكى عزيز ولا غالى

بيسو افندى ابدعت

تقبل منى مرورى المتواضع

تحياتى ليك

سلمى
**sara**
20-03-2009, 04:17 PM
الاهات كتير بس الاحساس من اللى قدامك قليل
جميل اوى
***بيسو افندى***
23-04-2009, 05:21 PM
اختى سلمى

اخى i long for u

اسعدنى مروركما فلا تحرمانى منه

دمتم بنور الرحمن



بيسووو افندى
هيما الشاعر
07-05-2009, 12:56 PM
جميل جدا يابيسو ماكتبت

تقبل مرورى
***بيسو افندى***
07-05-2009, 06:07 PM
تقبلت مروك اخى الحبيب

دام لنا اطراائك الرااائع


بيسوو افندى
aboud2010
11-06-2009, 09:05 PM
طبعا كلماتك جميلة منقدرش نتكلم عليها يا بيسو

تسلم يا غالى وشكرا ليك على الموضوع
***بيسو افندى***
13-06-2009, 01:08 PM
مشكور اخى عبد الله على زيارتك الكريمة

وكلماتك الرقيقة

واطرااائك الراااائع


دمت بنور الرحمن


بيسووو افندى