المساعد الشخصي الرقمي

مشاهدة النسخة كاملة : يا جماعه انا عارف انى اتنسيت وماحدش يعرفنى هنا بس عايز اخد رايكو في الكلام ده

TiTo
18-03-2009, 03:49 PM
اسمعو معايا الموال ده وقلولى رايكو


الأولى أه على القلب اللي متهناش
والتانية اه على اللي صابر بس بخته مجاش
والتالتة اه على اللي في الدنيا لا مات ولا عاش
حبينا يا قلبي لكن شوفنا حبايبنا سابوا اللي يسوى وراحوا للي ما يسواش
يااااااااااااااا ليل
لقيت طيرة بتتألم ونار حامية بتكويها
على عود الحطب واقفة وشوك الدنيا حواليها
وصياد القدر واقف وبرصاصه هيرميها
سألت عليها بدي أعرف لمين هي ومين ليها
قالولي الأم سيباها وأبوها كمان ناسيها
يا عيني
ضحية في الدنيا, يا خوفي الوحدة تضنيها
ده لو هب الهوا ليلة, مسير العود يميل بيها
وقولت يا رب ساعدني. علشان اقدر انجيها
شاورت بإيدي أناديلها, وجاتلي وخدت بإديها
بنيت العش في العالي , وكان قصدي أعليها
ولما عششت جنبي, وشوفت الفرح في عنيها
فتحت لحبها قلبي, وقلت يا رب هنيها
وخدت من الشجر ورقه , عجنته الحنة أحنيها
وخدت من العنب خمره , عشان أشرب وأسقيها
وخدت من العسل شهده , عشان تاكل وأغذيها
وخدت من الهوا غنوة بصوت الناي أغنيها
وجبت الورد من البلدي , عملته تاج يحليها
وجبت بخور من الجاوي , أبخرها وأرقيها
وجبت حرير من الهندي , عملته ستار يداريها
وليلة في العشا جالها واحد تاني يناديها
سابتني للي كان, وحدي , ونزلتله برجليها
فخورة بإسلامى
18-03-2009, 04:39 PM
عجبتنى ياتيتو بس ليا تعليق على( صياد القدر)

القدر مالوش صيادين ياتيتو القدر هو القدر اللى ربنا كاتبه ده قدرواللى بنعيشه ده قدر واللى هنعيشة برضه قدر

كل حاجة وكل لحظة وكل ثانية قدر

خايفة تكون الكلمة دى حرام مش عارفه ايه رايك وياريت الاعضاء يشاركونا

عشان بس منكبتش حاجة نتحاسب عليها
TiTo
18-03-2009, 04:48 PM
الموال مش بتاعى انما راى بالنسبه لصياد القدر يقصد انه سخريه القدر والايام وسعات تحسي ان الواحد كل مايجى يعمل حاجه تحصل عكسها
فخورة بإسلامى
18-03-2009, 05:02 PM
انا عن نفسى الموال عجبنى جدا بس حسيت ان الكلمة ممكن تكون حرام عشان كدة قلتلك

وشكرا لاهتمامك
salma
20-03-2009, 03:02 PM
دنياا مفيهاش امان
والحق فيها ولا بيبان
والظالم فيها مظلوم
والمظلوم فيها غلبان

وعجبى

ميرسى كتير يا تيتو
بجد كلامك جميل اوى
**sara**
20-03-2009, 03:04 PM
آآآآآآآآآآآآآآآآآآه بكل ما تحمل من معانى
آآآآآآآآآآآآآه على دنياى التى تخلوا امامى
آآآآآآآآآه على كل مسكين امامى
آآآآآآآآآآآآه عليها تلك الامانى
آآآآآآآآه.........آآآآآه.......آه


موضوع فوق الوصف من الجمال
smsma_only
29-03-2009, 10:15 PM
جمييييييييله طبعا ياتيتو ..

وحمد الله على سلامتكـ من الغيبه الطويله دى .. وطبعا تيتو من مؤسسى المنتدى

منتظرين منكـ عوده قويه كما كنتـ :

تحياتى لرجوعكـ
***بيسو افندى***
23-04-2009, 05:14 PM
الموال احساسا عالى ومتميز

ولكن كتابة له اسلوبه وطريقة معينة فى الكتابة

ومثال على موال

الاوله بلدى بسلطن وبغنى موالى

والتانية بلدى يا كنزى وعزوتى ومالى

والتالته بلدى هى اللى علطول فى بالى

الاوله بلدى بسلطن وبغنى موالى وع المكشوف

والتانية بلدى يا كنزى وعزوتى ومالى وملو الشوف

والتالته بلدى هى اللى علطول ف بالى ود الموصوف

الاوله بلدى بسلطن وبغنى موالى وع المكشوف بلد امان

والتانية بلدى يا كنزة وعزوتى ومالى وملو الشوف فى كل مكان

والتالته بلدى ه اللى علطول ف بالى ودا الموصوف دوا العيان

هذا هو اسلوب كتابة الموال وتنشيده

اما عن المكتوب امامى فهو احساس عالى وكلمات تئن لها القلوب

ولكنها تندرج تحت موال ابتكره الشاعر من داخله

وصاغه باسلوبه

كل تحيتى وتقديرى لكاتب الموضوع وارجو ان تقبل النقد


دمت بنور الرحمن


بيسووو افندى